Astanalyq jýrnalıster «Chto? Gde? Kogda?» zııatkerlik oıynynda baq synady
ASTANA. QazAqparat - Tanymal oıynnyń qurmetti magıstri, reseılik Aleksandr Drýz elorda jýrnalısteriniń zııatkerlik qabiletin synady, dep habarlaıdy QazAqparat tilshisi.
Zııatkerlik oıynda 3 komandadan quralǵan elorda jýrnalısteri, óz bilim-bilikterin ortaǵa saldy. Barlyq salany qamtyǵan suraqtarǵa komanda jetekshileri aýyzsha jáne jazbasha jaýap berý múmkindigi berildi. Atalǵan oıynnyń belgili qatysýshysy jáne birneshe dúrkin jeńimpazy Aleksandr Drýz aldymen oıyn erejesimen tanystyryp ótti. Munda suraqtyń jaýabyn komanda bolyp aqyldasyp, ishinen top basshysy jaýap berýi tıis. Taǵy bir ereksheligi, ol nelikten bulaısha jaýap bergenine dálel-dáıek keltirýi tıis jáne birneshe nusqasyn usynýǵa da bolady, biraq, sońynda bir ǵana jaýap talap etiledi. Oıyn barysynda BAQ ókilderi barlyǵy 20 suraqqa jaýap berdi. Berilgen tapsyrmalardyń negizgi mazmuny logıkalyq suraqtardan turdy.
Odan bólek, A.Drýz zııatkerlik oıyn jáne tapsyrmalardyń adam mıy men onyń oılaý qabiletine tikeleı áser etetinin aıtty.
Aıta ketsek, «Chto? Gde? Kogda?» oıyny Astanadaǵy oqýshylar saraıynda ornalasqan atom energııasy boıynsha aqparattyq ortalyǵynda ótti. Atalǵan ortalyq atom ǵylymy salasyn jas jetkinshekterge tanystyryp, úıretýmen aınalysady. Onda ornalasqan 3D mýltımedıalyq baǵdarlamasy arqyly atom álemine saıahat jasap, sala týraly tolyq derektermen tanysýǵa bolady.
«Kóp adamdar atomdy qaýipti dúnıe dep esepteıdi, ony aldymen tabıǵı qubylys dep taný kerek. Bizdiń maqsatymyz - atomnyń sonshalyqty qaýipti qubylys emes ekenin adamdarǵa jetkizý. Buǵan dálel atom salasy zamanaýı tehnologııalarda. Atap aıtar bolsaq, bul energetıka men ıadrolyq medıtsınada keńinen qoldanylady», -dedi zııatkerlik oıynda bolǵan Chelıabi atom energııasy ortalyǵynyń dırektory Larısa Matveeva.
