Astanalyq júrgizýshilerdiń moınynda 1,3 mlrd. teńgege jýyq aıyppul bar
ASTANA. QazAqparat - Astana júrgizýshileri bıýdjetke aıyppul túrinde 1,3 mlrd. teńgege jýyq aqsha qaryz.
Bul týraly búgin Astana qalasynyń Іshki ister departamenti Ákimshilik tájirıbe basqarmasynyń basshysy Tahır Ábdirahmanov málim etti.
Onyń aıtýyna qaraǵanda, 2016 jyly Astanada 2 mlrd. 231 mln. 443 myń. 916 teńge somasyna aıyppul salynǵan. Onyń 41,4 % ótelgen.
«Arnaıy baqylaý-ólsheý quraldarynyń kómegimen tirkelgen ákimshilik quqyqbuzýshylyqtardy polıtseıler meken jaı boıynsha baǵyttap otyrady. Bul da aıyppuldy óndirip alý kórsetkishin arttyrady. Astana qalasy Іshki ister departamenti aǵymdaǵy jyldyń toǵyz aıy boıynsha 303 myń. 181 ákimshilik quqyqbuzýshylyq tirkegen, onyń ishinde 293 myń. 294 ákimshilik is boıynsha 2 mlrd. 231 mln. 443 myń. 916 teńge somasyna aıyppul salyndy. Olar boıynsha 925 mln. 576 myń. 121 teńge óndirildi», - dep atap ótti basqarma basshysy.
Esterińizge salsaq, ákimshilik aıyppuldar boıynsha qaryzdar bolǵan jaǵdaıda, qalaǵa kirý jáne shyǵý kezinde shlagbaýmdy jabatyn júıe iske qosylady. Polıtseıler aıyppuldy ýaqytyly tóleý jóninde habarlamalar taratady. Quqyqbuzýshylyqty jasaǵannan keıin alǵashqy jeti kún ishinde aıyppuldy tólegen jaǵdaıda 50 paıyzdyq jeńildik jasalady.
