Astanalyq júrgizýshi qyz Býrabaıda jaýapkershilikke tartyldy

KÓKShETAÝ. QazAqparat - Býrabaıda astanalyq boıjetkendi jaýapkershilikke tartty, onyń jolaýshylary qozǵalyp kele jatqan avtokóliktiń ashyq lıýginen basyn shyǵaryp, basqa júrgizýshilerdiń yzasyn týdyrǵan, dep habarlaıdy QazAqparat.

«Býrabaı kýrortynyń aýmaǵynda qozǵalyp kele jatqan kóliktiń ashyq lıýgindegi qyz júrgizýshilerdiń yzasyn týdyrdy. Jol qozǵalysy erejelerin eki ret buzǵan elordalyq hanymdy Aqmola polıtseıleri jaýapkershilikke tartty.

Instagram áleýmettik jelisindegi polıtsııa departamentiniń resmı paraqshasyna buzýshylyqty rastaıtyn beıneni azamattyq ustanymy bar júrgizýshi jibergen. Beınetirkegish alda kele jatqan «Chery Tiggo» markaly avtokóliktiń lıýginen jolaýshy basyn shyǵarǵanyn tirkegen», - dep jazdy ІІM-nen.

Beınejazbaǵa baılanysty patrýldik polıtsııa qyzmetkerleri birden áreket etti. Avtokóliktiń ıesin anyqtaǵannan keıin, sol kúni quqyq qorǵaý organdary quqyq 19 jastaǵy boıjetkenge QR ÁQBtK 593-baby boıynsha qaýipsizdik beldikterin taqpaǵandary úshin eki ákimshilik hattama toltyrdy.