Astanalyq jup bı sportynan Reseıde ótken chempıonatta «qola» ıelendi
ASTANA. 29 qazan. QazAqparat - 21-27 qazan kúnderi aralyǵynda Máskeýde «Dens Akkord-2012» bı sporty boıynsha Reseıdiń ashyq chempıonaty ótti.
Oǵan reseılik jáne eýropalyq beldi klýbtarmen qatar qazaqstandyq sportshylar da qatysty.
Qazan aıynyń basynda chempıon atanǵan astanalyq jup Qazaqstan namysyn kezekti ret abyroımen qorǵap, ózderiniń kásibı sheberlikterin dáleldedi. Narıman Áshenov pen Arýjan Aldasheva eýropalyq bıler baǵdarlamasynda 329 juppen baq talastyryp, qola medaldy qanjyǵalaryna baılady.
Eýropalyq baǵdarlama bıdiń bes túrin qamtydy: baıaý vals, tango, venalyq vals, baıaý fokstrot jáne quick-step. Fınalǵa ótý úshin Narıman men Arýjanǵa týrnırdiń alty kezeńinen ótý kerek boldy.
Budan bólek, elordalyq jup latınoamerıkandyq baǵdarlama boıynsha 357 jup qatysqan irikteýden sátti ótip, besinshi oryn aldy.
