Astanalyq jol saqshylary eskertý jasady
ASTANA. QazAqparat - Elordalyq polıtseıler júrgizýshiler men jaıaý júrginshilerdi saq bolýǵa shaqyrady, dep habarlaıdy QazAqparat.
«Júrgizýshiler men jaıaý júrginshilerge aýa raıynyń nasharlaýyna baılanysty joldarda qıyn jaǵdaı týyndaýy múmkin ekenin eskertemiz. Kólik quralyn basqarý kúrdelene túsedi, ıaǵnı apattar yqtımaldyǵy artady. Qala joldarynda jáne jekelegen ýchaskelerde, atap aıtqanda jol ótkelderinde, aınalma jolda kórý múmkindiginiń shekteletinin eskerý qajet, kóktaıǵaq bolýy múmkin«, - dep jazdy qalalyq polıtsııa departamentinen.
Habarlamada jazylǵandaı, júrgizýshiler jyldamdyq rejımin, qashyqtyqty saqtap, jol belgileriniń talaptaryn oryndaý qajet. Jaıaý júrginshiler joldan ótý kezinde kóliktiń tejegish múmkindigi ylǵaldy jáne taıǵaq jolda ulǵaıatynyn eskerý kerek.
