Astanalyq jol polıtsııasy Memlekettik rámizder kúnin atap ótti

«Árbir memlekettik qyzmetkerdiń memleket aldyndaǵy mańyzdy paryzy - memlekettik tildi meńgerý, memlekettik nyshardardy qurmetteý, ulttyq qundylyqtardy qadirleý bolyp tabylady. Sonymen qatar, elge degen súıispenshilikti, patrıottyq sezimdi arttyryp, ony kúndelikti jumys barysyna paıdalanýǵa daǵdylandyrý maqsatynda elordalyq Jol polıtsııasy basqarmasynda 4 maýsym - Qazaqstan Respýblıkasynyń Memlekettik rámizderi kúnin atap ótý dástúrge aınaldy», - delingen basqarmanyń baspasóz qyzmeti taratqan habarlamada.

Toqtala ketetin jaıt, elordada jol polıtsııasyna qyzmetke turýǵa úmitkerlerdi iriktep, jumysqa qabyldaýda jáne qyzmetkerlerdi attestatsııalaý kezinde olardyń memlekettik tildi bilýine qatań talap qoıylady. Olardyń qyzmettik mindetterin atqarý kezinde memlekettik tildi keńinen qoldanýǵa jaǵdaı jasalǵan, qyzmet babynda qoldaný úshin jol polıtsııasymen arnaıy kómekshi quraldar daıyndaldy, osyǵan baılanysty kúndelikti saptyq qurylymdardyń jeke quramynyń nusqaýlyqtary memlekettik tilde júrgiziledi. Qyzmetti atqarý kezinde barlyq jol saqshysy ózin tek qazaq tilinde tanystyryp, júrgizýshige qujattardy toltyrý tilin tańdaýǵa usynym jasaıdy,

Osyǵan oraı ákimshilik quqyq buzýshylyq týraly hattamalardyń, jol-kólik oqıǵalarynyń jáne basqa da is qujattarynyń memlekettik tilde saýatty ázirlenýi jáne sotqa jiberilýi qamtamasyz etilip, basshylyqtyń baqylaýyna alynǵan.