Astanalyq jol polıtseıleri jasóspirim balalarmen birge jedel aldyn alý sharasyn ótkizdi

 dep habarlaıdy Astana qalasy ІІD Jol polıtsııasy basqarmasy.

Atalmysh is-shara kezeńinde jaıaý júrginshiler ótkeliniń jáne balalar mekemeleriniń aýmaǵynda baqylaý kúsheıtildi. Jolda júrý erejesiniń negizin kólik júrgizýshilerine taǵy bir esterine salý úshin qala mektepteriniń Jas jol qozǵalysy otrıady ınspektorlary men «Jas Otan» jastar qanatynyń balalary aktsııaǵa kómek kórsetti. Olar kólik júrgizýshilerine arnalǵan arnaıy jadnamalar men býkletter taratyp, kólik júrgizýshilerine jol erejesin saqtaý qajettiligi týraly, ásirese kóshe qıylystaryn jáne jaıaý júrginshilerdiń ótkelderin júrip ótý kezinde qala joldarynda saq bolýlaryn eskertti. Sonymen qatar kámelettik jasqa tolmaǵan balalarǵa arnalǵan kólik oryndyqtaryn jáne qaýipsizdik beldigin taǵýdy erekshe nazarǵa aldy. Óz kezeginde jol polıtsııasy qyzmetkerleri ata-analarǵa balalardyń qala joldarynda qaýipsiz júrip turý tártibin eskerýge shaqyrdy. Atalmysh sharanyń eki kúni ishinde 1410 jol júrý Erejesin buzý oqıǵalary anyqtaldy, onyń ishinde 74 - júrgizýshi kóshe qıylysyn júrip ótý, 7 júrgizýshi - balalardy tasymaldaý tártibin buzǵan.

Osyndaı aldyn alý aktsııalardy ótkizý mektep oqýshylarynyń demalys kezeńderinde ózekti máselelerdiń biri bolyp tabylady. Іs-shara sońynda jol polıtsııasy qyzmetkerleri aktsııany ótkizýge úlesin qosqan balalarǵa jol qozǵalysy tártibin úzdik nasıhattaǵany úshin jaryqqa shaǵylysatyn lentalardy syıǵa tartty.