Astanalyq jol-patrýldik polıtsııasynyń qyzmetkeri Baqyt Álimqulov kúre jolda úsh ret áıel bosandyrdy
ASTANA. QazAqparat -Astana qalalyq ІІD jol-patrýldik polıtsııa polki jetinshi rotasynyń ekinshi vzvodynyń komandıri, kapıtan Baqyt Álimqulov 25 tamyzda deni saý balanyń dúnıege kelýine kómektesti.
Saǵat 16 shamasynda polıtsııa qyzmetkeri «Qosshy» baǵytyndaǵy «Ertis» beketinde bolǵan. Oǵan kelgen «Aýdı» markaly kóliktiń júrgizýshisi kómek surap, jubaıynyń bosanyp jatqanyn, al Astanadaǵy perzenthanaǵa deıin úlgere almaıtyndyǵyn aıtqan. Baqyt Álimqulov jedel járdem qyzmetin shaqyrdy, biraq dárigerler kelip jetkenshe áıeldi ózi bosandyryp, sábıdiń kindigin kesip te úlgerdi.
Jedel járdem qyzmeti náreste men onyń anasyn elordanyń perınataldyq ortalyǵyna jetkizdi.
Qazirgi kezde anasy Saǵat pen onyń balasy ózderin jaqsy sezinýde, rıza bolǵan ata-ananyń baqytynda shek joq. Salmaǵy 3 keli bolyp týylǵan ul bala men anasy qazir dárigerlerdiń qaraýynda jatyr. Bul Qanat pen Saǵattyń otbasyndaǵy besinshi bala.
Baqyt Álimqulov ta bes balanyń ákesi eken. Polıtsııa qyzmetkeri bes jyl buryn kúre jolda eki ret áıel bosandyrǵanyn aıtty. Bul Baqyt Álimqulovtyń bosanatyn áıelderge kómeginiń úshinshi oqıǵasy.
