Astanalyq jigit sý astynda súıiktisine tosyn usynys jasady
ASTANA. QazAqparat - Astana qalasynyń turǵyny Qanat Baekenov súıiktisine úılený týraly usynysty sý astynda jasady, dep habarlady www.24.kz.
Jıyrma segiz jastaǵy jigit qyzy Laýrany qalalyq okeanarıýmǵa daıvıngpen aınalysýǵa shaqyrǵan. Alaıda boıjetken jigitiniń nıeti jaıly beıhabar bolǵan. Qanat Laýraǵa degen sezimin qaǵaz betine túsirip, sý astynda kórsetti. Jıyrma jastaǵy qyz tosynnan jasalǵan úılený týraly usynysqa kóp oılanbaı-aq kelisimin berdi. Jastar 7 jyldan beri tanys. Endi úılený toıyn jańa jyl merekesinen keıin ótkizemiz dep josparlap otyr.
- Elimizde eshkim súıiktisine sý astynda, akýlalardyń arasynda turmysqa shyǵý týraly usynys jasap kórmegen. Men dostarymmen aqyldasyp, súıiktimdi osylaı qýantamyn dep sheshtim. Bul qaýipti emes, óıtkeni janymyzad arnaıy daıyndalǵan adamdar boldy, - deıdi Qanat.
Laýranń aıtýynsha, bul oǵan tosyn syı bolǵan. «Terezeden qarasam, týystarym men dostarym tur. Qatty tań qaldym. Óte baqyttymyn», - deıdi ol.
