Astanalyq jastarǵa arnalǵan nesıe baǵdarlamasy iske qosyldy

ASTANA. QazAqparat – Elordalyq jastarǵa 2,5 paıyzben 5 mln-ǵa deıin nesıe beriledi. Bul týraly Astana qalasy ákimdiginiń «Eńbek mobıldiligi ortalyǵy» mekemesiniń dırektory Oljas Omar málim etti, dep habarlaıdy QazAqparat tilshisi.

«Bizde jastarǵa arnalǵan nesıe baǵdarlamasy bar. 35 jasqa deıingi azamattar 5 jylǵa deıin 2,5 paıyzben 5 mln teńge nesıe ala alady», - dedi Oljas Omar qalalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, spıker aqyly qoǵamdyq jumystary týraly aıtty.

Jumyssyzdarda, stýdentterde jáne jalpy bilim beretin mektepterdiń joǵary synyp oqýshylaryna oqýdan bos ýaqytynda aqyly qoǵamdyq jumys isteýge múmkindik bar. Jastar 35 AEK mólsherinde turaqty jalaqy alyp, bir jyl boıy jumys isteı alady. Baǵdarlamanyń arqasynda 2000-nan astam adam jumysqa ornalastyryldy. Jumyssyz jáne jumys izdep júrgen azamattar enbek.kz elektrondyq eńbek bırjasyna tirkele alady, egov.kz portalynda nemese Beıbitshilik kóshesi 9 mekenjaıyna tikeleı kelip bilýge bolady», - deıdi ol.