Astanalyq «Jastar» saraıy óziniń 42-shi shyǵarmashylyq maýsymyn ashty
ASTANA. QazAqparat - Astanalyq «Jastar» Saraıy shyǵarmashylyq maýsymyn orasan zor kontsertpen ashty. Saraıdyń jazǵy sahnasynda astanalyq mekemeniń stýdııalary men ujymdarynyń jas daryndary óner kórsetti. Ánshiler, bıshiler jáne akterler ózderiniń úzdik ónerlerin usyndy, al ujymdardyń jetekshileri jańa maýsymda ótetin sabaqtarǵa qatysýǵa nıet bildirýshi barlyq jastardy shaqyrdy, dep habarlaıdy «Jastar» saraıynyń baspasóz qyzmeti.
Shyǵarmashylyq maýsymnyń ashylýyn jasaǵan «Jastar» saraıynyń dırektory Sergeı Solodovnıkov: «Bizdiń saraı meıirban dostar men jaqsy adamdar úshin árdaıym ashyq. Biz munda balalarmen túrli baǵyttaǵy bılerdi bıleýmen qýana-qýana aınalysamyz, án aıtýǵa, sýretter salýǵa úırenemiz, teatr óneriniń bastamasyn uǵynamyz jáne de dostarymyz úshin tamasha merekeler ótkizýge tyrysamyz. Ótken shyǵarmashylyq maýsym óte áserli, jan-jaqty boldy. Bizdiń balalar túrli respýblıkalyq jáne halyqaralyq baıqaýlarǵa qatysqan. Men aldaǵy maýsymnyń áserliligi, jan-jaqtylyǵy az-kem bolmaıtyndyǵyna senimdimin. Biz budan da kóbirek bolamyz. Biz jańa dostardy kútemiz. Bizge kelińizder. Jańa is-sharalar jaıynda sizder bizdiń zhastarastana.kz saıtymyzdan, sondaı-aq buqaralyq aqparat quraldarynan bile alasyzdar. Biz sizderge ózimizdiń shyǵarmashylyǵymyzdy qýana-qýana syıǵa tartatyn bolamyz. Sonymen, jańa shyǵarmashylyq maýsymdy ashyq dep jarııalaýǵa ruqsat etińizder! Sát sapar!».
Kóptegen jyldardan beri «Jastar» Saraıy óziniń shyǵarmashylyq ujymdarymen jáne stýdııalarymen mereıi ústem bolyp keledi. «Rovesnık» estradalyq bıiniń halyq ansambli bıylǵy jyly óziniń 73 jyldyǵyn atap ótýde. 73 jyldyq qyzmetinde ujym bir ǵana tárbıelenýshiler legin jiberip qana qoıǵan joq, birneshe ret qalalyq, halyqaralyq jáne respýblıkalyq baıqaýlardyń jeńimpazdary men laýreattary atandy. Degenmen, «Rovesnıktiń» qazirgi tańdaǵy býyny da aldyndaǵysynan kem túspeıdi. Tek ótken jyldyń ózinde bıshiler «Ekzersıs» jáne «Arman jeteginde» halyqaralyq baıqaýlarynyń tórt bas marapatyn qanjyǵasyna baılap keldi.
Sondaı-aq Saraıda taǵy da tórt kásibı horegrafııalyq ujym jumys isteýde: «Voskresene» bı-sport klýby, «Ast City Ballet» contemporary ballet mektebi, «Radýga» zamanaýı jáne estradalyq bı stýdııasy jáne «Vremıa» bı teatry. Bıshiler - respýblıkalyq jáne halyqaralyq baıqaýlardyń jeńimpazdary.
Saraı qabyrǵasynda óziniń úshinshi maýsymyn «M-art» teatr stýdııasy da ashýda. Jumys istegen qysqa ǵana merzim ishinde teatrdyń jas akterleri jurtshylyqqa ózderiniń kásibı sheberlikterin kórsetti. Sonymen qatar daryndylar Máskeýde ótken «ART-Lıtseı» búkil reseılik festıvaliniń bas júldesiniń ıegerleri atandy. Daryndylar Saraı men qalamyzdyń spektakl qoıylymdaryna, shoý baǵdarlamalarǵa jáne shyǵarmashylyq is-sharalarǵa jıi qatysyp otyrady.
