Astanalyq jastar Qazaqstannyń Ulttyq birlik doktrınasyn talqylaýda
Elimizdiń Ulttyq birlik doktrınasyn nasıhattaýǵa arnalǵan májiliste astanalyq stýdent-jastar halyqtar arasyndaǵy ózara kelisimdi saqtaý, etnosaralyq tózimdilik qaǵıdatyn damytý jáne ultaralyq kelisim ıdeıasy aıasynda tárbıe berý máselelerin talqylap, ózara pikir almasýda.
«Qazaqstannyń ekonomıkalyq ósýi, áleýmettik jáne demokratııalyq damýy tek el qoǵamynyń birligi bolǵan kezde ǵana júzege aspaq. Osy oraıda elimizdiń Ulttyq birlik doktrınasynyń alar ornyn erekshe atap ótken jón. Bul qujat qazaqstandyq qoǵamnyń ıntellektýaldyq múmkindikterin barynsha jandandyryp, árbir azamattyń bostandyqtary men quqyqtaryn qorǵaýdy kózdeıdi. Osynyń negizinde Qazaqstannyń saıası-ekonomıkalyq, áleýmettik jáne memlekettik basqarý sharalarynyń birtutas júıesi qurylady», - dep atap kórsetti óz sózinde «Elorda - 2030» qoǵamdyq qorynyń prezıdenti Bahtııar Jamanqulov.
