Astanalyq jas polıtseıler alǵashqy ofıtserlik ataǵyn aldy
NUR-SULTAN. QazAqparat - Nur-Sultan qalasy polıtsııa departamentinde jas polıtsııa qyzmetkerleri alǵashqy ofıtserlik ataqqa ıe boldy, dep habarlaıdy QazAqparat.
Jas polıtseılerge ofıtserlik shenderdi Nur-Sultan qalasy polıtsııa departamentiniń bastyǵy general-maıor Erjan Sadenov tabys etti.
Alǵashqy ofıtserlik ataq alý - olardyń árqaısysy úshin ishki ister organdaryndaǵy qyzmetteriniń mańyzdy kezeńi.
Elordalyq polıtsııanyń basshysy jas polıtseılerdi osy aıtýly oqıǵamen quttyqtap, qyzmetine tabys tilep, olardyń ishki ister organdarynyń qyzmetkeri ataǵyn laıyqty jáne abyroımen alyp júretinine senim bildirdi.
«Kez kelgen polıtseı úshin basty qasıetter - eń aldymen, joǵary sana jáne óz mindetin oryndaý úshin jaýapkershilik sezimi. Siz Іshki ister organdaryna qyzmetke kelip, jaýapty jumysty tańdadyńyz, bul jol sizden tabandylyq pen shydamdylyqty talap etedi», - dedi E.Sadenov.
Tez til tabysý, ádeptilik, tózimdilik, zańdardy jaqsy bilý, dene daıyndyǵy – osynyń bári jas ofıtserlerge tán qasıetter.
Esil aýdany polıtsııa basqarmasynyń anyqtaý bóliminde qyzmet etetin Naǵıma Ibnajıpova:
«Polıtsııa qyzmeti ońaı emes, men quqyq qorǵaý organdarynda laıyqty jáne naǵyz patrıot bolýǵa ýáde beremin», - dedi saltanatty rásimde.
