Astanalyq jas hokkeıshi álem chempıonatynyń «Úzdik oıynshysy» atandy
ASTANA. QazAqparat- Shaıbaly hokkeıden jastar arasyndaǵy álem chempıonatynda astanalyq Danııar Samat «Úzdik oıynshy» atandy, dep habarlaıdy QazAqparat tilshisi Astana qalasynyń Mádenıet jáne sport basqarmasyna silteme jasap.
«Astanadaǵy № 10 balalar men jasópirimderge arnalǵan sport mektebiniń» tárbıelenýshisi Danııar Samat shaıbaly hokkeıden jastar arasyndaǵy álem chempıonatynda «Úzdik oıynshy» atandy», -delingen atalǵan mekemeniń Feısbýk-tegi paraqshasynda.
Aıta ketsek, hokkeıden 20 jasqa deıingi jastar arayndaǵy álem chempıonatynda Qazaqstan jastar quramasy top-dıvızıondaǵy ornyn saqtap qaldy. Olar álem chempıonatynyń jubanysh kezeńindegi ekinshi kezdesýinde Danııa quramasyn 4:0 esebimen oısyrata jeńgen bolatyn.
Sol sııaqty atalǵan jastar arasyndaǵy álem chempıonaty óz máresine jetip, onda Fınlıandııa quramasy chempıon atanǵanyn habarlaǵan bolatynbyz.
