Astanalyq jas fýtbolshylar «Jastar» jáne
ALMATY. 25 naýryz. QazAqparat /Erlik Erjanuly/ - Shymkentte 10-21 naýryz kúnderi Premer-Lıgadaǵy komandalardyń 1994 jyly týǵan izbasarlary arasynda «Jastar» týrnıri ótti.
Onda Sergeı Gnınenko men Abdýlla Merkýlov jattyqtyrǵan astanalyq «Lokomotıv-94» komandasy úshinshi oryn aldy. Alǵashqy kezeńde óz tobynda ekinshi oryn alǵan olar úshinshi oryn úshin bolǵan saıysta Qyzylordanyń «Qaısaryn» 3:1 esebimen tize búktirdi. Al temirjolshylardyń qaqpasyn kúzetken Aleksandr Konochkın týrnırdiń eń úzdik qaqpashysy atandy. Al olardyń izbasarlary «Lokomotıv-93» dál sol ýaqytta Tarazda ótken «Arman» týrnırinde jetinshi orynǵa taban tiregen bolatyn.
Astanalyqtardyń baspasóz qyzmeti taratqan habarlamaǵa qaraǵanda, Shymkenttegi bul dodada «Lokomotıv-1994» sapynda - Aleksandr Konochkın, Birjan Qulbekov, Pavel Halezov, Aleksandr Sharıfýllın, Álıhan Satybaldıev, Ildar Ablıakımov, Nursultan Qurmanǵalı, Islambek Qulekenov, Abylaıhan Álkeev, Rınat Haırýllın, Ilıa Berýashvılı, Ersyn Husaıynov, Arlan Turashbaı, Álıhan Konkın, Valerıı Şerbakov, Ádil Jaqypbaev, Rýslan Doshaklaev pen Igor Popadınets óner kórsetti. Olardyń arasynan qarsylastar qaqpasyn I.Býrýshvılı 4 ret, I. Qulekenov, P. Halezov pen A. Álkeev eki-eki retten, al I. Popadınets, I. Ablıakımov, Á. Jaqypbaevtar bir-bir retten dál kózdep, óz komandasynyń qorjynyna túsken upaıǵa qomaqty úles qosty.
