Astanalyq jas áıel qaryz beremin dep, o dúnıege attanyp kete jazdady
ASTANA. 13 aqpan. QazAqparat - Astanalyq polıtsııa qyzmetkerleri jedel-izdestirý sharalaryn júrgizý barysynda paıdakúnemdik maqsatta jergilikti turǵyndy óltirýge oqtalǵan 22 jastaǵy kúdiktini qolǵa túsirdi, dep habarlady QR ІІM baspasóz qyzmetinen.
Tergeý barysynda ustalǵan azamat kásipker áıeldiń 25 jastaǵy qyzymen kórshi turǵandyǵy anyqtaldy. Ol qyzdyń otbasynyń materıaldyq jaǵdaıynyń jaqsy ekendigin bilgennen keıin onyń senimine kirip, ótken jyldyń qańtary men tamyz aılarynyń aralyǵynda qaryzǵa iri kólemde aqsha alyp turǵan. Qaryzdyń jalpy somasy 48 mln. teńgeni quraǵan kórinedi. Boryshty qaıtaratyn ýaqyt kelgende qarajattyń bárin jumsap tastaǵan kúdiktiniń oıynda kásipker áıel men qyzyn óltirý týraly pıǵyl týǵan. Jábirlenýshilerdiń páterleriniń kiltiniń kóshirmesin jasatyp alǵan kúdikti, qańtardyń 1-ne qaraǵan túni úıge kirip, jatyn bólmede qyzdy býyndyra bastaǵan. Alaıda, páterdiń bir bólmesin jaldap turǵan jigit oǵan qylmysty jasaýǵa kedergi jasaǵan.
Qolǵa túsken azamat ýaqytsha oqshaýlaý abaqtysyna qamaldy. Tergeý amaldary jalǵasýda.
