Astanalyq jankúıerler Vasılıı Levıt pen Abylaıhan Júsipovti áýejaıdan qarsy aldy
Elordalyq jankúıerler sportshylardy áýejaıdan erekshe yqylaspen jáne gúlmen qarsy aldy. Boksshylar óz kezeginde rızalyqtaryn bildirdi.
«Barsha qoldaýshylarǵa rahmet. Jankúıerlerdiń qoldaýyn sezindim, bastysy sol. Sportta jeńiske jetkende de, jeńilgende de qoldaý óte mańyzdy. Óıtkeni qoldaý kórsetýdiń arqasynda jeńilistiń aşy sezimin asa sezinbeısiń», - dedi qazaqstandyq boksshy Vasılıı Levıt.
Sondaı-aq, sportshy otbasy men jaqyndaryn qatty saǵynǵanyn jáne úıine jetkenshe asyǵyp kele jatqanyn jetkizdi.
Aıta keteıik, Tokıo Olımpıadasynda Vasılıı Levıt alǵashqy kezdesýinde ıspanııalyq Emmanýel Reıes Pladan nokaýtpen jeńildi.
Sonymen qatar 69 keli salmaq dárejesinde synǵa túsken Abylaıhan Júsipov amerıkandyq Djonson Delantemen kezdesip, 1:4 esebimen jeńildi.
