Astanalyq zaǵıp jandarǵa «ınvataksı» qyzmet kórsetpek
ASTANA. 2 qańtar. QazAqparat - Jańa jyldan bastap, astanalyq zaǵıp jandarǵa «ınvataksı» qyzmet kórsetedi.
Búginde elordada janary sýalǵan 1700 múmkindigi sheýteýli jan bar. Biraq kózim kórmeıdi dep qol qýsyryp otyrǵany shamaly. Olardyń kópshiligi iske epti keledi. Endi olardy jumysqa nemese emhanaǵa arnaıy kólik tasymaldap turatyn bolady.
Bul isti júzege asyrý úshin qazynadan 8 mln. teńge bólingen. Qalalyq jumyspen qamtý jáne áleýmettik baǵdarlamalar basqarmasynynyń basshysy Alma Altybaevanyń aıtýynsha, alǵashynda 10 jeńil kólik satyp alý josparlanýda. Dıspetcherlik bólim qurylyp, arnaıy tizim jasaqtalady. Mamandar zaǵıptardyń júrip-turýyn qamtamasyz etedi, dep habarlaıdy 24.kz.
