Astanalyq veloshabandoz Túrkııa týrynda kóshbasshylar qatarynda keledi
ALMATY. 27 sáýir. QazAqparat -Túrkııa týry velododasynyń 5-kezeńiniń qorytyndysy boıynsha, «Astana» veloklýbynyń shabandozy Aleksandr Dıachenko 2-orynda kele jatyr.
Ol «Konya Torku Seker Spor» komandasynyń sportshysy Ivaılo Gabrovksııden 1,27 mınýtqa artta kele jatyr. Úzdik úshtikti túıindep turǵan «Caja Rural» komandasynyń shabandozy Danaıl Andonov Petrov óz otandasy Ivaılodan 1,38 mınýt, al Aleksandrdan 11 sekýndqa artqa qalyp qoıdy. Keshe 5-kezeńde olardyń eshqaısysy da jeńimpazdar qatarynan kórine alǵan joq. Degenmen, buǵan deıingi kezeńderde kórsetken ýaqyt kórsetkishteri olardy úzdikter qataryna shyǵarýǵa múmkindik berip otyr. Jeksenbi kúni aıaqtalatyn jarystyń búgin, Bodrým men Kýshadasy aralyǵyndaǵy 179 shaqyrymdyq 6-kezeńi ótedi.
