Astanalyq veloshabandoz Azııa chempıonatynda altynnan alqa taqty
ASTANA. 13 naýryz. QazAqparat - Azııa Chempıonatynda taǵy bir astanalyq veloshabandoz altynnan alqa taqty. Bul týraly astana.kz saıtyna qalalyq Týrızm, dene tárbıesi jáne sport basqarmasynan málim etti.
«Búgin, 13 naýryzda, Azııa Chempıonatynda tas joldaǵy jeke jarysta №6 sport mektebiniń tárbıelenýshisi Dmıtrıı Rıve óziniń japondyq básekelesin 12 sekýndqa artqa tastap, chempıon atandy»,- delingen taratylǵan habarlamada.
Sondaı-aq vedomstvodan habarlaǵandaı, endi Dmıtrıı 15 naýryzda ótetin toptyq jarystaǵy júlde úshin baryn salatyn bolady. 18 jasar sportshy - Qazaqstan chempıony.
Tas joldaǵy jarys trektegi báseke aıaqtalǵannan keıin búgin bastalǵan bolatyn.
Eske salaıyq, 7 naýryzdan beri Úndistannyń astanasy Nıý-Delı qalasynda tas jolda jáne trekte jarystan 33-shi Azııa Chempıonaty ótýde. Onda Qazaqstan quramasy sapynda óner kórsetetin astanalyq sport mektebiniń velosport boıynsha alty tárbılenýshisi jaqsy nátıje kórsetti.
Buǵan deıin astana.kz saıty jazǵanyndaı, komandalyq sprıntte elordalyq Almaz Kıneev pen Zakı Sultanov besinshi orynǵa taban tiredi. Birinshi orynǵa Koreıa sportshylary shyqsa, ekinshi oryndy - malazııalyqtar, al japondyq veloshabondozdar úshinshi oryndy mise tutty.
Qurlyqaralyq birinshilikte bizdiń elordalyq sportshylar Nıkıta Klevanov pen Marlen Toqseıitov kúmis júldege ıe boldy. Ekeýi de elimizdiń ótken jylǵy trek jarysyndaǵy chempıony bolyp tabylady.
Azııa chempıonatyna 41 qurama komanda qatysýda. Qazaqstan delegatsııasy quramynda 51 adam bar. Bul erler men áıelder quramasy, túrli jas ereksheligindegi jastar: (1995-1996 j.t.), anderler (1991-1994 j.t) jáne tańdaýly (1990 jáne odan da úlkender).
