Astanalyq ústel tennısinen álemdik jarystyń chempıony atandy
ASTANA. QazAqparat - Astanalyq sportshy ústel tennısinen álemdik týrdyń chempıony atandy. Kırıll Gerasımenko «ITTF World Tour» aqtyq synyna ótip, chempıon atanǵan Qazaqstan tarıhyndaǵy alǵashqy oıynshy, dep habarlady Astanadaǵy arnaıy mamandandyrylǵan joǵary sport sheberligi mektebiniń baspasóz qyzmeti.
Býdapeshtte ústel tennısinen osy maýsymdaǵy alǵashqy týr aıaqtaldy. 21 jasqa deıingi týrnırde joǵary sporttyq sheberlik mektebiniń sportshysy Kırıll Gerasımenko aqtyq oıynda 3:2 (17:15, 6:11, 6:11, 11:7, 15:13) kórsetkishimen frantsýz Akkýza Kandy jeńip, chempıon atandy.
Alǵashynda Kırıll danııalyq sportshyny 3-0 esebimen jeńdi. Ekinshi oıynda Kırıll Gerasımenko 3:1 esebimen reseılik Saadı Ismaılovty basyp ozdy. Odan keıin belgııalyq sportshy Alegro Martınıdi 3-2 esebimen jeńip shyqty.
Álemdik týrdyń jartylaı fınalynda sportshyǵa myqty qarsylas jolyqty. Reseılik Konstantın Chernovpen ótken tartysty oıynda Kırıll 3-1 esebimen basym tústi.
