Astanalyq ustazdar men oqýshylarǵa arnalǵan basylym jaryq kórdi
ASTANA. 2 qazan. QazAqparat - Búgin Astanadaǵy Oqýshylar saraıynda Ustazdar merekesi qarsańynda muǵalimder, oqýshylar men ata-analarǵa jáne jalpy kópshilikke arnalǵan «Stolıchnoe obrazovanıe» gazetiniń tusaýy kesildi.
«Basylym oqýshylardyń shyǵarmashylyq qabiletiniń qalyptasýyna, ıntellektýaldy jeke qajettilikteriniń damýyna, balalardyń ónegeli bolyp ósýine qyzmet etedi. Gazet ashýdaǵy basty maqsat - qalyń kópshilikke Elorda mektepterinde qyzmet etip, shákirt tárbıelep júrgen muǵalimderdiń eńbeginiń shynaıy bolmysy, olardyń jeke tulǵa qalyptastyrýdaǵy róli men orny týraly keń kólemde aqparat berý», - dep atap ótti qalalyq bilim basqarmasynyń basshysy Ásıma Bımendına.
Gazet qazaq jáne orys tilderinde aıyna eki ret jaryq kóredi. Taralymy - 1000 dana.
Bas redaktor Baqyt Túlkibaevanyń aıtýynsha, gazette «Sheberlik syrlary», «Jetistik stýdııasy», «Otbasylyq tárbıe álippesi», «Maman keńesi» sııaqty aıdarlar bolady.
Sondaı-aq, túrli konkýrstar uıymdastyrylyp, tanymdyq maqalalar kóptep jarııalanatyn bolady.
