Astanalyq ustaz respýblıkanyń «Daryndy ustazy» ataǵyna ıe boldy

11 mamyr kúni Qazaq Gýmanıtarlyq Zań ýnıversıtetiniń uıymdastyrýymen «Daryndy ustaz» respýblıkalyq baıqaýy ótti. Baıqaýǵa Qazaqstannyń 70-ke jýyq joǵary oqý oryndarynyń oqytýshylary «Quqyq», «Ekonomıka» jáne «Áleýmettik ǵylymdar» mamandyqtary boıynsha baq talastyrdy. Respýblıkanyń joǵary oqý oryndarynyń ustazdary bilimderin 3 kezeń boıynsha sarapqa saldy - jazbasha esse daıyndaý, sheberlik sabaq ótkizý jáne úsh kezeńnen turatyn aqtyq saıys.

Qazaqstannyń «Daryndy ustazy» ataǵyna laıyqty bilimdi de bilikti oqytýshylar arasynda básekelestik joǵary boldy. Astanadaǵy Agrarlyq ýnıversıtettiń «Menedjment» kafedrasynyń dotsenti, ekonomıka ǵylymdarynyń kandıdaty, ekonomıka fakýlteti dekanynyń orynbasary Aıda Balqybaeva bul ataqqa «Ekonomıka» mamandyǵy boıynsha ıe boldy.