Astanalyq úleskerler sot arqyly 150 mln. teńge men qurylysy aıaqtalmaǵan nysandy qaıtaryp aldy

ASTANA. QazAqparat - «Skaı sıtı» turǵyn úı qurylys kooperatıvi  sot arqyly «Grant Elite-NS» JShS jáne «Komfortnyı dom» JShS-lerinen 149,9 mln. teńge óndirip aldy, dep habarlaıdy Astana qalasy prokýratýrasynyń baspasóz qyzmeti.

Astana qalasynyń mamandandyrylǵan aýdanaralyq ekonomıkalyq sotynyń 2017 jyldyń 15 aqpanyndaǵy sheshimi boıynsha Astana qalasynyń prokýrorynyń talap aryzyna sáıkes «Skaı sıtı» turǵyn úı qurylys kooperatıvine (ári qaraı - TÚQK) jaýapkerler «Grant Elite-NS» JShS jáne «Komfortnyı dom» JShS-lerinen 149,9 mln. teńge óndirildi, sonymen qatar jer telimi jáne aıaqtalmaǵan qurylys obektisi qaıtaryldy.

Sottyń sheshimi dereý oryndalýǵa joldanyldy.

Qazirgi ýaqytta TÚQK atalǵan obektiniń ádilet organdarynda tirkeý protsedýrasyn bastady.

Atalǵan protsedýralar aıaqtalǵannan keıin TÚQK-de óz betimen, sonyń ishinde ınvestorlardy tartý jolymen, aıaqtalmaǵan obekt qurylysyn bastaý quqyǵyn alady.