Astanalyq ýchaskelik polıtsııa ınspektorlary «Tanysýǵa ruqsat etińiz» sharasy aıasynda on myńǵa jýyq páterdi tekserdi
ASTANA. Maýsymnyń 8-i. QazAqparat /Jasulan Amanbaıuly/ - Astanalyq ýchaskelik polıtsııa ınspektorlary «Tanysýǵa ruqsat etińiz» sharasy aıasynda on myńǵa jýyq páterdi tekserdi. Bul týraly búgin aptalyq brıfıngte Astana qalalyq ІІD-niń Memlekettik til jáne aqparat bóliminiń bastyǵy Nurdildá Oraz málim etti,
dep habarlaıdy QazAqparat.
N. Orazdyń aıtýynsha, is-sharanyń basty maqsaty - ýchaskelik polıtsııa ınspektorlarynyń, jalpy halyq arasynda ishki ister organdarynyń bedelin kóterý, azamattarmen ózara senimde qurylǵan qarym-qatynastar ornatý, ákimshilik ýchaskelerde qylmys pen quqyq buzýshylyq faktileriniń aldyn alý.
Turmystyq qaıtalanatyn qylmystardyń, nashaqorlyq pen maskúnemdik, urlyq, buzaqylyq pen basqa da tártip buzýshylyqtardy boldyrmaýǵa óz áserin bermek. Máselen, «Tanysýǵa ruqsat etińiz» sharasy barysynda ınspektorlar qaladaǵy 1468 quqyqbuzýshylyqty anyqtaǵan. Sonymen qatar 173 azamat aldyn alý tirkeýine alyndy.
Aktsııa kezinde ýchaskelik polıtsııa ınspektorlary 9911 páter men úılerdi aralap, turǵyndarǵa baılanys aqparattary bar paraqshalar men aqparattyq toptamalar taratty.
