Astanalyq TJD terek mamyǵy órt qaýpin kúsheıtetindigin eskertti

ASTANA. QazAqparat – Jaz aılarynda elordada oryn alatyn órtterdiń basym bóligine terek mamyǵy sebeb bolyp otyr. Bul týraly Astana qalalyq TJD Memlekettik órt baqylaý basqarmasy bastyǵynyń orynbasary Ajar Rústemova aıtty, dep habarlaıdy QazAqparat tilshisi.

«Memleket basshysy Qasym-Jomart Toqaev Qazaqstan halqyna Joldaýynda azamattyq qorǵaý organdaryna túrli tótenshe jaǵdaılardyń, onyń ishinde órtpen baılanysty jaǵdaılardyń sanyn azaıtý jóninde birqatar mindet qoıdy. Búginde Astana qalalyq tótenshe jaǵdaılar departamentiniń qyzmetkerleri azamattarǵa tótenshe jaǵdaılardy azaıtý boıynsha birqatar úgit-aldyn alý jumystaryn júrgizip, qaýipsizdik erejeleri týraly aqparattandyryp jatyr», - dedi ol elorda ákimdiginde ótken brıfıngte.

Onyń atap ótýinshe, jyl saıyn jaz aılarynyń basynda qaladaǵy órtterdiń sany birneshe ese artady. Oǵan kóp jaǵdaıda terek mamyǵy sebep bolyp otyr.

«2022 jylǵy mamyr jáne maýsym aılarynda elordalyq TJD qyzmetkerleri terek mamyǵyn sóndirýge 62 ret shyqty. Kósheler men aýlalar qar sııaqty terek mamyǵymen jabylady. Al bul óz kezeginde yqtımal órt oshaǵyna aınalady», - dedi Ajar Rústemova.

Osyǵan oraı TJD ókili qazirgiýaqytta órt qaýipsizdigi erejelerin saqtaý, mamyq jınalǵan jerlerdi, ásirese aǵash ǵımarattarda únemi tazalap otyrý kerektigin atap ótti.