Astanalyq TJ departamenti turǵyndardy abaı bolýǵa shaqyrady
ASTANA. QazAqparat - Astana qalasy TJ departamenti aýa temperatýrasynyń tómendeýine baılanysty qala sýaıdyndarynda muz qatyp jatqanyn eskertedi. Muz qaýipsiz bolý úshin keminde 2 apta ýaqyt ótýi kerek, dep habarlaıdy departamenttiń baspasóz qyzmetinen.
Ol qajetti qalyńdyqqa jetýi, ıaǵnı bir adam úshin - 7 sm kem emes, bir top adam úshin - 12-15 sm, jeńil kólik úshin - 25 sm, júk kóligi úshin - 40 sm, traktor úshin - 70 sm bolýy tıis.
«Muz qatýy kezeńinde qaıǵyly jaıttar oryn alady. Bunyń basty sebebi - sý aıdyndarynda saqtyq sharalaryn qoldanbaý», delingen habarlamada.
Saqtyq sharalary retinde durys qatpaǵan, juqa muzǵa shyǵýǵa, jarylǵan muzǵa, shuqanaqqa, oıyqtarǵa jaqyndaýǵa bolmaıtyny, kúzgi muzdyń ústinde top bolyp jınalýdyń, kólik quraldarymen sýdyń betine shyǵýdyń, qarańǵy túsip, aınala durys kórinbegen jaǵdaıda muz betine shyǵý qaýiptiligi eskertiledi. «Este saqtańyzdar, muz qatýy kezeńinde qaıǵyly jaıttar kóbinese balalardyń qatysýymen bolady. Balalardyń óz betterimen ózenge barmaýlaryn qadaǵalańyzdar!», delingen habarlamada.
