Astanalyq turǵynnan 258 myń teńgeniń jeke múlkin qoldy etken «qalta urysy» ustaldy
ASTANA. 4 naýryz. QazAqparat - Astana qalalyq ІІD tergeý basqarmasy men «Almaty» aýdandyq ІІB-niń polıtseıleri qalta urlyqtaryn jasaǵany úshin buǵan deıin birneshe ret isti bolǵan 35 jastaǵy elorda turǵynyn ustady.
Polıtsııaǵa Astanada turatyn áıel habarlasyp, belgisiz adam avtobýs aıaldamasynda onyń qaltasynan ámııanyn, qujattaryn, jalpy somasy 258 myń teńgeni quraıtyn bankomat kartochkalaryn urlap ketkendigin aıtqan.
Astanalyq ІІD-niń baspasóz qyzmetinen habarlaǵandaı, jedel-izdestirý sharalaryn ótkizý kezinde polıtsııa qyzmetkerleri buryn birneshe ret sottalǵan, tájirıbesi bar «qalta urysyn» ustady. Atalǵan faktimen QR QK-niń 175-babynyń 1-bólimimen (urlyq, ıaǵnı ózgeniń múlkin jasyryn túrde urlaý) qylmystyq is qozǵaldy. Tergeý amaldary júrgizilýde.
Sondaı-aq Saryarqa jáne Esil aýdandyq sottarynda kúdikti azamatqa qatysty buǵan deıin de qalta urlyqtaryn jasaǵany úshin qylmystyq ister qaraý ústinde jatqany belgili boldy.
