Astanalyq turǵyn janjaldasqan adamnyń kózine qaıshy tyǵyp alǵan
ASTANA. QazAqparat - Kıkiljiń saldarynan Astana turǵyny bir kózinen aıyryldy, dep habarlaıdy Astana qalalyq sotynyń baspasóz qyzmeti.
Habarlamaǵa qaraǵanda, 2017 jyldyń sáýirinde Astana qalasyndaǵy turǵyn úılerdiń birindegi páterde B. jáne N. arasynda janjal shyǵady. B. azamat N.-ǵa bylapyt sózder aıtyp, namysyna tıedi. N. qarsylyq bildirip, ony esikke qaraı ıtergen. Osy sátte B. qolyna túsken manıkıýr qaıshysymen onyń sol kózine suǵyp alady.
Sonyń saldarynan N. bir kózinen aıyryldy.
Almaty aýdandyq №2 sotynyń úkimimen B. QR Qylmystyq kodeksiniń 106-baby («Densaýlyqqa qasaqana aýyr zııan keltirý»), 1-bóligine sáıkes aıypty dep tanylyp, 5 jylǵa bas bostandyǵynan aıyrý jazasyna kesildi.
Úkim zańdy kúshine endi.
