Astanalyq turǵyn Soltústik Qazaqstan oblysyndaǵy uıaly telefon satatyn dúkenderdiń birin tonamaq boldy
ASTANA. Aqpannyń 10-y. QazAqparat /Aıdar Ospanalıev/ - Soltústik Qazaqstan oblysyndaǵy aýdandardyń birindegi uıaly telefon satatyn dúkenderdiń birine qarýly shabýyl jasaǵan Astana qalasynyń 21 jasar turǵyny ustaldy.
Bul týraly búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń sózine qaraǵanda, ustalǵan azamat esh jerde jumys istemeıtin bolyp shyqty. Ol qańtardyń 30-y kúni Býlaev aýdanynyń ortalyǵynda ornalasqan uıaly telefon satatyn dúkenge kirip, satýshydan eń qymbat telefondardy kórsetýin suraǵan. Budan soń ol satýshymen telefondardyń birin alatyn bolyp kelisip, aqshanyń ornyna sholaq myltyq shyǵaryp, satýshyny atyp tastaǵan. «Qaraqshy buryn osy aýdanda turǵan eken. Ol tártip saqshylarynyń qolyna túskennen keıin, mundaı áreketke óziniń Astana qalasyndaǵy kólik turaǵynda jumys istep júrgen kezinde qaryzdanyp qalǵan bereshekterin qaıtarý maqsatynda barǵandyǵyn aıtty. Qazirgi tańda onyń respýblıka aımaǵyndaǵy ózge de aýyr qylmystarǵa qatystylyǵy tekserilýde», dedi departament bastyǵy.
