Astanalyq turǵyn kóshesiniń «Jansúgiruly» atalýyna qarsy
ASTANA. 16 qarasha. QazAqparat - Astana qalasynyń turǵyny Ramına Sultanova elorda ákimi Imanǵalı Tasmaǵambetovtyń jeke blogyna hat jazyp,
onda Almaty aýdanyndaǵy burynǵy Ýchılışnaıa kóshesi Jansúgirov esimimen atala bastaǵanyn aıtqan. Biraq sol kóshe kenetten Jansúgiruly bolyp qaıta ózgertilgen.
«Ony orysshaǵa aýdarsaq - «Jansúgirovıch». Nege Jansúgirov emes? Óıtkeni, «Aýezov» degendi qazaqsha «Áýezov» dep jazyp qoıdyq qoı», - deıdi turǵyn.
Onyń suraǵyna jaýap bergen Astana basshysy: «Astana qalasy ákimdiginiń 2007 jylǵy 5 jeltoqsandaǵy №60 qaýlysymen jáne Astana qalasy máslıhatynyń 2007 jylǵy 12 jeltoqsandaǵy №33/6-IV sheshimimen «Ýchılışnaıa» kóshesi Іlııas Jansúgiruly kóshesi atandy. Іlııastyń ǵumyrnamasyn zertteýshiler arhıv qujattaryn zerdeleı kele, onyń óz shyǵarmalaryna «І. Jansúgirov» emes, «І. Jansúgiruly» dep qol qoıǵany anyqtaldy.
Sondyqtan, elordadaǵy kóshelerdiń atyn ózgertý barysynda quramyna ǵalymdar, tarıhshylar, tilshiler men jazýshylar kiretin Astana qalasynyń onomastıkalyq komıssııasy osy derekti qaperge alyp, kósheniń atyn aqynnyń avtorlyǵyna saı ózgertýge sheshim qabyldady», - dep tolyqqandy jaýap qaıyrdy.
