Astanalyq tártip saqshylary sheteldik júrgizýshilerdi tekserýdi kúsheıtedi
ASTANA. QazAqparat - Elordada «Tranzıt» jedel aldyn alý sharasy aıasynda sheteldik júrgizýshilerdiń jol qozǵalysy erejelerin saqtaýyna, sondaı-aq Qazaqstan aýmaǵyna ýaqytsha ákelingen kólik quraldaryn zańsyz paıdalaný talaptaryna baqylaý kúsheıtildi. Bul týraly Astana qalasynyń ІІD ákimshilik polıtsııa basqarmasynan habarlady, dep jazady elorda ákimdiginiń saıtynda.
Sharaǵa jol-patrýldik polıtsııa men kóshi-qon polıtsııasynan, kedendik baqylaý bólimshelerinen 500-den astam qyzmetker tartyldy. Tártip saqshylary kedendik zańnamanyń buzylýy jaǵdaılaryn anyqtaý maqsatynda basqa memleketterden ákelingen barlyq kólik quraldary men sheteldik júrgizýshilerdi tekseretin bolady. Qandaı da bir ákimshilik zań buzýshylyqtar anyqtalǵan jaǵdaıda sheteldikterge ákimshilik shara qoldanylyp, olar Qazaqstan aýmaǵynan alastatylady. QR Іshki ister mınıstrliginiń málimetinshe, jyl basynan beri jol qozǵalysy erejelerin buzǵan 26 myńnan astam sheteldik júrgizýshi tirkelgen. Sonyń ishinde olardyń qatysýymen 28 jol-kólik oqıǵasy oryn alǵan, onyń saldarynan 28 adam kóz jumyp, 58 adam jaraqattanǵan.
