Astanalyq tártip saqshylary kólikpen baılanysty tirkeý qyzmetteriniń jańa úlgisimen tanystyrdy
ASTANA. Jeltoqsannyń 8-i. QazAqparat /Aıdar Ospanalıev/ - Іshki ister organdarynyń Jol polıtsııasy qyzmeti Úkimettiń 2009 jyldyń qazan aıynyń 26-syndaǵy qaýlysyna sáıkes, tirkeý qyzmetine birqatar ózgerister engizdi.
Bul týraly búgin atalmysh máselege baılanysty jýrnalıstermen arnaıy baspasóz máslıhatyn ótkizgen Astana qalalyq Іshki ister departamentiniń ókilderi málim etti, dep habarlaıdy QazAqparat.
Qalalyq Іshki ister departamentiniń Til saıasaty jáne aqparat bóliminiń bastyǵy Nurdildá Orazdyń sózine qaraǵanda, endi senimhattardy tirkeý ýaqyty tıisti qujattar ótkizilgennen keıin 1 saǵattan aspaıtyn bolady. Al qajetti qujattardy ótkizý úshin azamattar kezekte 20 mınýttan kóp turmaıdy. Sondaı-aq qajetti qujatty alý úshin de shyǵyndalatyn ýaqyt 20 mıntýttan aspaıdy. Senimhattardy tirkeý boıynsha kórsetiletin memlekettik qyzmet 6 kún qatarynan jáne tańǵy 9-00-den keshki 18-30-ǵa deıin sozylady. Azamattardy qabyldaý aldyn ala jazylý arqyly emes, kezekpen júzege asady. «Sondaı-aq júrgizýshi kýáligin berý ýaqyty da tıisti qujattar ótkizilgennen keıin 6 saǵattan aspaıdy. Oǵan qajetti qujattardy ótkizý úshin kezekte turýǵa ketetin ýaqyt 40 mınýt shamasynda. Al qujattardy nebári 30 mınýttyń ishinde alýǵa bolady», dedi bólim bastyǵy.
Sondaı-aq onyń aıtýynsha, kóliktiń tirkeý nómirlerin berý merzimi de jeńildetilgen. Azamattar qujattaryn tolyq tapsyrǵan jaǵdaıda aınalasy 6 saǵattyń ishinde kóliktiń nómirin alyp shyǵa alady. Buǵan qajetti qujat tapsyrýǵa ketetin ýaqyt 40 mınýttan aspaıdy. Qujat tapsyrylysymen qyzmet kórsetip otyrǵan ınspektor qujattardy qabyldaǵandyǵy jóninde arnaıy talon beredi.
