Astanalyq tártip saqshylary baspanaly bolady
ASTANA. QazAqparat - Astana qalasynyń ákimi Áset Isekeshev qalalyq Іshki ister departamentiniń qyzmetkerlerine kelesi aptaǵa deıin qyzmettik páter tabys etetin bolady. Bul týraly búgin «Astana» kontsert zalynda Qazaqstan polıtsııasy kúni qurmetine ótip jatqan sharada shahar basshysynyń orynbasary Qosman Aıtmuhametov málim etti, dep habarlaıdy QazAqparat tilshisi.
Qazaqstan polıtsııasy kúni men Memlekettik qyzmetkerler kúni qurmetine ótken sharada Qosman Aıtmuhametov tártip saqshylaryn kásibı merekesimen quttyqtady.
«Quqyq qorǵaý salasy qashan da qoǵam tynyshtyǵy men turaqtylyǵynyń kepili. Bul oraıda elimizdiń jáne eńseli elordamyzdyń búgingi beıbit ómiri men tirshiligi eń aldymen ózderińizdeı iske myǵym azamattarymyzdyń adal eńbeginiń arqasy. Búgingi ishki ister organdaryna túsetin júk te ońaı emes. Ýaqyt ótken saıyn qylmystardyń túrleri ózgerip kele jatyr. Degenmen, jańa tehnologııalardy meńgergen astanalyq tártip saqshylary el múddesine laıyqty qyzmet etip keledi. Elordamyzdy damytýǵa úles qosqan úlesterińiz jáne qoǵam aldyndaǵy qyzmetterińiz úshin ózderińizge zor alǵysymyzdy bildiremiz», - dedi qala ákiminiń orynbasary.
Sóz sońynda Qosman Aıtmuhametov quqyq qorǵaýshylarǵa qala basshysy Áset Isekeshevtiń ystyq sálemin joldady.
«Qurmetti áriptester! Áset Órentaıuly shuǵyl qyzmettik issaparmen shyǵyp ketti. Maǵan óz atynan tártip saqshylaryn quttyqtaýdy tapsyrdy. Jáne qala basshysy osy nemese kelesi aptanyń basynda qalalyq Іshki ister departamentiniń qyzmetkerlerin qabyldaıtynyn aıtty. Sondaı-aq, ol óz sózinde qyzmettik páter tabystaıtynyn atap ótti. Marat Shyńǵyshanuly (Marat Qojaev - ІІD bastyǵy) ákim osylaı dedi», - dedi Qosman Aıtmuhametov.
Eske sala ketsek, búgin Elordadaǵy «Astana» kontsert zalynda Qazaqstan polıtsııasy kúni men Memlekettik qyzmetkerler kúni aıasynda aýqymdy is-shara uıymdastyrylyp, elordanyń úzdik quqyq qorǵaýshylary marapattalǵan bolatyn. Shara barysynda QR ІІM mınıstriniń buıryǵymen 30 polıtseı «qoǵamdyq tártipti qorǵaǵany úshin» medaline ıe bolsa, 4 qyzmetker ІІB úzdigi ataǵyna ıe boldy. Taǵy 4 tártip saqshysyna merziminen buryn shen tapsyryldy. Sonymen qatar, qalalyq ІІD basshysynyń buıryǵymen 170-ke tarta quqyq qorǵaýshy marapatqa ıe bolyp otyr. Onyń ishinde 50 medal ІІD ardagerlerine tabystalsa, tártip saqshylarynyń ishinde «Qazaqstan polıtsııasyna 25 jyl» jáne «Astana ІІD-ge 20 jyl» medaldaryna ıe bolǵandar bar. Marapatqa ıe bolǵan quqyq qorǵaýshylarǵa baǵaly syılyqtar men saǵattar, alǵys hattar tapsyryldy.
