Astanalyq stýdentter tigin tsehynda bolyp qaıtty
«NADLoC» AQ uıymdastyrǵan osynaý ekskýrsııaǵa 20-dan astam stýdent qatysty.
Olar kıimniń qaǵaz betine túsirilgen jobasynan bastap, tigin mashınasymen jumys isteý, olardy pishý, tigý, tegisteý, ıaǵnı tigin jumysy kezindegi barlyq tehnologııalyq protsesti kózderimen kórdi. Mundaı sharalarǵa jıi qatysyp, tájirıbe almasý - stýdentter úshin kásibı turǵyda damýǵa múmkindik beredi.
«Bizdiń oqý ornynda búgingi kúni dánekerleýshi, tokar, elektrıkter, jol-qurylys tehnıkasy júrgizýshi, qurylysshy, aspazshy jáne kondıter mamandaryn daıyndaımyz. Kelesi jyly tigin salasy boıynsha mamandyq ashý jospardaǵy birinshi másele. Bizdiń mektep elimizdegi iri kásiporyndar men óndirisitik mekemelermen kelisimshartqa otyrǵan. Onyń ishinde osy tigin fabrıkasy da bar. Búgingi kezdesý barysynda biz kásiporyn basshylyǵymen stýdentterdiń tájirıbeden ótýi sııaqty máselelerdi taldadyq» deıdi Astanadaǵy Tehnıkalyq kolledjdiń muǵilimi Altynshash Alımova.
Sonymen qatar, ekskýrsııa barysynda stýdentter de ózderin tolǵandyrǵan máseleler boıynsha mamandardan keńesterin alyp jatty. Tipti, keıbiri bolashaqta osy kásiporynda jumys isteýge nıetti ekenderin de jasyrmady.
«Bizge bul tigin fabrıkasy unady. Jalpy, oqý barysynda osyndaı ekskýrsııalar jıi uıymdastyrylǵanyn qalaımyn. Qazaq «myń ret estigenshe, bir ret kór» deıdi. Kózben kórip, qolmen ustalǵan dúnıeler adamǵa kóp tájirıbe bereri anyq», - deıdi atalǵan kolledj stýdenti Elaman Eltaev.
Al, atalǵan kásiporyn dırektorynyń aıtýynsha, tigin salasynyń qyr-syryn meńgergen bilikti mamandarǵa suranys joǵary. Sondyqtan, osyndaı oqý oryndarymen tyǵyz baılanys ornatyp kelemiz deıdi ol.
Sholpan Nurǵalıeva, «Astana ıÝtarııa» JShS dırektory:
- Osy jyldyń sáýir aıynan bastap bizdiń kompanııanyń jumysy jandana bastady. Sonyń arqasynda kóp adamdy jumyspen qamtydyq. Bul mekemede búgingi kúni 150-deı adam qyzmet atqarady. Olar elimizdiń ár aımaǵynan jınalǵan. Alys oblys, aýdandardan kelgen mamandardy jataqhanamen qamtamasyz etemiz. Desek te, bizge toqyma tsehyna arnaıy qyzmetkerler, dızaıner, konstrýktor syndy arnaýly mamandar qajet. Tigin salasynyń qyr-syryn meńgergen adamdar jetkiliksiz, joqtyń qasy. Biz tek sapaly matalardy, ıaǵnı sertıfıkaty bar, arnaıy zerthanadan ótkenderin ǵana paıdalanamyz. Jumyspen qamtý ortalyqtarymen tyǵys baılanystamyz. Keı mamandardy qaıta daıarlaý baǵdarlamasy aıasynda oqytyp alamyz. Sondyqtan, stýdenttermen de baılanysymyzda arttyrýdamyz. Olar oqýlaryn aıaqtap, óz kásibiniń mamany bolsa, biz olardy jumysqa qabyldaýǵa daıynbyz.
Aıta keteıik, atalǵan oqýy orny 2009 jyly Elbasynyń qoldaýymen ashylǵan bolatyn. Maqsaty - ata-anasynyń qamqorlyǵynsyz úkimet úıinde tárbıelengen balalardyń kásiptik bilim alýyna múmkindik berý. Búgingi kúni munda elimizdiń ár aımaǵyndaǵy balalar úıiniń búldirshinderi bilim alýda.