Astanalyq stýdentter kóne Otyrar tarıhymen tanysty
Elbasymyz Nursultan Nazarbaevtyń «Bolashaqqa baǵdar: rýhanı jańǵyrý» maqalasy aıasynda L.Gýmılev atyndaǵy Eýrazııa ulttyq ýnıversıtetiniń belsendi jastary saıahatty Túrkistan qalasynan bastady. JOO-daǵy bilim alýshylar arasynda elimizdiń kórikti jerlerin, tarıhı murasyn dáripteý, olarǵa patrıottyq tárbıesin nyǵaıtý maqsatynda uıymdastyrylǵan saıahatta belsendi jastar Arystanbab kesenesine zııarat jasady. «Otyrar tóbede» ornalasqan ashyq aspan astyndaǵy murajaıdy tamashalady. «Rýhanııat-Ábý-Násir ál-Farabı» mýzeıine bas suǵyp, Otyrar aýdanynyń tarıhynan syr shertetin qundy jádigerlermen tanysty. Ýnıversıtet túlegi, aıtysker aqyn Nurqanat Berikuly aýdan basshylyǵyna tarıhı oryndardy kórýge qolǵabys etkeni úshin jyr shashýymen alǵys bildirdi. Odan soń estelikke sýretke túsken stýdentter Shymkent qalasyna jol tartyp, saıahattaryn jalǵastyrdy. Belsendi jastardyń aıtýynsha, aldaǵy ýaqytta L.Gýmılev atyndaǵy Eýrazııa ulttyq ýnıversıtetiniń stýdentteri elimizdiń barlyq óńirlerin aralap, tarıhı jerlerin tamashalaıtyn bolady. Ári estafetany basqa da joǵary oqý oryndaryna tapsyrmaq.
