Astanalyq stýdentter arasynda týberkýlez juqtyrý kórsetkishi artqan
«Joǵary oqý jáne orta arnaýly kásiptik bilim berý oryndarynda stýdentter arasynda týberkýlezben syrqattaný jaǵdaıy alańdatady. Ótken jyly stýdentter arasynda týberkýlez ınfektsııasyn juqtyrý 37 jaǵdaıy tirkeldi. Bul 2021 jylmen salystyrǵanda 13 jaǵdaıǵa joǵary. Stýdentterdiń týberkýlezge shaldyǵýynyń negizgi sebepteri - medıtsınalyq kómekke ýaqtyly júginbeý, densaýlyqqa nemquraıdy qaraý», - dedi Astana qalasy sanıtarlyq-epıdemııalogııalyq baqylaý departamenti basshysynyń orynbasary Janna Pralıeva qalalyq kommýnıkatsııalar qyzmeti alańynda ótken brıfıngide.
Buǵan deıin J. Pralıeva týberkýlez juqtyrǵan astanalyqtardyń 53,9%-y eńbekke qabiletti jasta ekenin aıtqan bolatyn.
Sondaı-aq, elordada 1 myńnan astam ana sábıine týberkýlezge qarsy vaktsına salǵyzbaǵany belgili boldy.
Odan bólek, brıfıng barysynda týberkýlezden emdelýshilerge qandaı áleýmettik qoldaýdyń bary aıtyldy.
Aıta ketsek, búgin týberkýlezge qarsy dúnıejúzilik kúres kúni. Ataýly dataǵa oraı 24 aqpan men 24 naýryz aralyǵynda elordada «Biz týberkýlezdi jeńe alamyz» degen uranmen aılyq ótti.