Astanalyq stýdent donorlardy yntalandyratyn qosymsha jasady

Nur-Sultan qalasynyń Menedjment jáne bıznes kolledjiniń stýdenti Móldir Boranbaeva «Júrek qalaýy» atty joba usynǵan. Joba arqyly kolledj stýdentteri ár senbi saıyn qala halqyna tegin kómek kórsetedi jáne mamandyqtary boıynsha tájirıbe jınaqtaıdy.

«Máselen, bolashaq zańgerler halyqqa tegin konsýltatsııa berip, olardyń suraqtaryna jaýap beredi. Dızaınerler men tiginshiler muqtaj jandardyń kıimin tigedi. Shashtarazdar óz kásibi boıynsha kómek kórsetedi. Bizge ata-ájeler kóp júginedi. Naýqan bizdiń kolledjdiń májilis zalynda ótedi. Bizdiń turaqty klıentterimiz de bar», - deıdi M. Boranbaeva.

Bul bastamany kolledj basshylyǵy qoldaǵan jáne onnan astam stýdent óz tájirıbesin shyńdaǵan.

«Astana jastary» uıymdastyrǵan búgingi lager arqyly jobamyzdy ózge oqý oryndaryna kórsetkimiz keledi. Ár qaladan osyndaı paıdaly jobalardyń ashylǵanyn qalaımyz», - deıdi stýdent.

Taǵy bir qatysýshy – «Astana» medıtsınalyq ýnıversıtetiniń 4-kýrs stýdenti Rýzı Shıhov pen onyń komandasy qan donorlaryna arnalǵan mobıldi qosymsha ázirlegen.

«Bizdiń joba Qazaqstandaǵy qan donorlaryn kóbeıtý maqsatynda jasalǵan. Bizdiń qosymsha donorlardy yntalandyra túsedi. ıAǵnı, ár protsedýra saıyn kýpon alyp, ony kelisim ornatqan kásipkerlerdiń jeńildigine aıyrbastaı alady. Odan bólek, qan tapsyrý úshin qaıda barý kerek, ne isteý kerek degen suraqtarǵa jaýap jazylǵan. Ár qoldanýshynyń jeke kabınetinde ózi týraly aqparat, qanynyń sıpattamasy, VICh-juqpasy men V gepatıtin juqtyrmaǵany týraly anyqtama turady», - dep túsindirdi R. Shıhov.

Ázirge mobıldi qosymshanyń beta-nusqasy Android platformasyna ornatylǵan.

«Qosymshany tolyq jasap shyǵarý úshin qarajat kerek. Ázirge, jeńildikter bóligin de aıaqtamadyq. Sebebi, jeńildik usynatyn kásipkerlerdi tabý qajet. Qoǵamdyq oryndar men áleýmettik jelilerde donorlyqtyń mańyzyn túsindirýdi jalǵastyramyz», - deıdi R. Shıhov.

Aıta keteıik, 17, 18, 19 qyrkúıek kúnderi elordada «Jastar jalyny Camp – 2019» jastar lageri ótedi. Onda jastarǵa arnalǵan sheberlik saǵattary men trenıngter, fýtbol jáne voleıboldan týrnırler ótedi. Sonymen birge, jastardy zııatkerlik oıyndar, sporttyq, shyǵarmashylyq jarystar jáne «Open Air» keshi uıymdastyrylady.