Astanalyq Street Workout bas bapkeri men atleti orktar beınesinde saıysty
ASTANA. QAZAQPARAT - Astana qalasynda Street Workout-tyń ataqty atleti Islam Badýrgov jáne Qazaqstannyń Street Workout boıynsha bas bapkeri Aıtym Jaqypov sport alańynda orktar beınesinde saıysqa tústi, dep habarlaıdy «QazAqparat» HAA.
Músinshi-gıperrealıst Aıdos Ermaǵambetov rolık keıipkerlerin mıftik qubyjyq keıpinde beınelegen.
«Minekeı, dostar, kópten kútken vorkaýt pen kınematografııany biriktiretin «Orc Workout» rolıgi jaryq kórdi. Biz bul rolıkti túsirý barysynda janymyzben berilip, birshama jumys jasadyq. Tipti ony birneshe ret montajdaýǵa da týra keldi. Bul - ózindik stsenarııi, ártisteri bar mını-fılm jáne túrli bezendirýlerge, atrıbýttarǵa toly shaǵyn kıno. Mundaǵy meniń maqsatym - kınematograf arqyly street workout-ty tanytý. Osy atqarylǵan jumys alǵa qoıǵan maqsatqa bir qadam jaqyndaýym dep bilemin. Aıta ketpeske bolmas, @aidostudio ujymyna bet árleýi boıynsha atqarǵan jemisti eńbegi úshin úlken alǵysymdy bildiremin. Qysqa ǵana bul fılm júrekterińizge jol taýyp, óz baǵasyn alady degen senimdemin. Menimen birge bas rólderde QR-dyń Street Workout-tan bas bapkeri, meniń baýyrym - Aıtym Jaqypov» - deıdi Islam Badýrgov Instagram paraqshasyndaǵy óz jazbasynda.
