Astanalyq «Snejnye barsy» komandasy «Karelın Kýbogy» oıyndaryn jeńispen bastady
ASTANA. QazAqparat - Elordalyq «Snejnye barsy» hokkeı klýby Berdsk qalasynda «Reseı Batyry A. Karelın atyndaǵy syılyq» (Karelın Kýbogy) úshin ótip jatqan týrnırge qatysýda, dep habarlady «Barys» HK baspasóz qyzmetinen.
Klýbtyń bul syndaǵy bastamasy jaman emes. Bastapqy oıynda-aq astanalyqtar alań ıelerin jeńdi. Ǵalym Mambetálıevtiń tálimgerleri «Krıstall-1» komandasynyń qaqpasyna 3 shaıba soqsa, qarsylastary 2 ret qana qaqpanyń kiltin taba bildi», - delingen habarlamada.
Kelesi joly qazaqstandyq hokkeıshiler «Krasnoıarskıe rysı» jáne «Krıstall-2» quramalarymen kezdesetin boldy.
