Astanalyq Sııazbek Dalıev «Jyl sportshysy» atalymy boıynsha «Altyn adam-2009» syılyǵymen marapattaldy
ASTANA. Jeltoqsannyń 2-si. QazAqparat - Astanalyq 19 jasar sportshy Sııazbek Dalıev «Jyl sportshysy» atalymynda «Altyn adam-2009» syılyǵymen atap ótildi. Jeńimpazdardy marapattaý rásimi Almatyda Abaı atyndaǵy opera jáne balet teatrynda ótti,
dep habarlady elordalyq týrızm, dene shynyqtyrý jáne sport basqarmasynan.
Sııazbek - Tokıoda jasóspirimder arasynda ótken Azııalyq paralımpııalyq oıyndarda tórt medal - eki kúmis jáne eki qola medal jeńip aldy. Ol Qazaqstan quramasyna kirgen jalǵyz astanalyq sportshy boldy. Qazaqstan quramasy tuńǵysh ret 22 medal qanjyǵalap qaıtty. Oıyndarǵa álemniń 26 eliniń ókilderi qatysty. Sııazbek Dalıev júzý jarysyna qatysqan eki qoly joq birden bir sportshy boldy. Konkýrs nomınanttary jalpy daýys berý ádisimen tańdalyp, astanalyq jas «Jyl sportshysy» atalymynda jeńimpaz bolyp otyr.
Sııazbek - elordalyq «Qaısar» klýbynyń tárbıelenýshisi.
