Astanalyq sheneýnikterge baǵaly qaǵazdar naryǵynda qalaı jumys jasaý kerektigi túsindirildi
ASTANA. 3 mamyr. QazAqparat - Búgin Astana qalasynyń ákimdiginde qala aktıvimen ótken otyrysta 2013 jylǵy «Halyqtyq ІRO» baǵdarlamasyna qatysý sharttary túsindirildi.
«Jýyq arada qazaqstandyqtarǵa qarajattarynyń bir bóligin elimizdegi eń myqty kompanııalardyń biri «KEGOC» Elektr jelilerin basqarý jónindegi Qazaqstan kompanııasy» AQ-nyń aktsııalaryn satyp alýǵa ınvestıtsııalaý múmkindigi týady. Osydan keıin basqa da kompanııalar óz aktsııalaryn naryqqa shyǵarmaq. Ókinishke qaraı, halyqtyń áli de bolsa kóp bóliginiń qarjylyq-ınvestıtsııalyq saýattylyǵy tómendeý», - dep atap ótti qalalyq qarjy basqarmasynyń basshysy Bekbol Saǵyn.
Onyń aıtýynsha, jýyq arada atalǵan kompanııanyń dırektorlar keńesinde bir aktsııanyń baǵasy belgili bolady. B. Saǵyn «Halyqtyq ІRO» baǵdarlamasynyń ekinshi kezeńinde astanalyqtar birinshi kezeńdegiden de kóbirek belsendilik tanytatyna senim artyp otyr. Esterińizge sala keteıik, byltyrǵy jyldyń qorytyndylary boıynsha, astanalyqtar almatylyqtardan keıin ekinshi orynǵa taban tiregen bolatyn.
Ótken jyly Astanada 4 myńnan artyq adamdy qamtyǵan 108 tanystyrylym ótti. Sonymen qatar, jyl boıy áýejaıda, temirjol vokzalynda, saýda-oıyn saýyq ortalyǵynda jáne Qazposhtada 4 qosyn demalyssyz jumys istedi.
