Astanalyq saıabaqta jańa attraktsıon paıda bolady
ASTANA. QazAqparat - Astana qalasynyń Astanalyq saıabaǵynda osy jazda ıtalııandyq «Sholý sheńberi» attraktsıony ornatylatyn bolady, dep habarlaıdy Astana qalasy ákimdiginiń resmı saıty.
Astana qalasynyń 20 jyldyq mereıtoıy qarsańynda Astanalyq saıabaqta jańa attraktsıon ashylady. Bul ekstrımaldy emes otbasylyq attraktsıon, jalpy kabınalar sany 14, otyratyn oryndar sany 56 adamǵa eseptelgen.
Attraktsıonnyń bıiktigi 22 metr, bul jerden jaǵalaýǵa, Turan dańǵylyna jáne Esil ózeni arqyly ótetin jańa jaıaý júrginshiler kópirine kóz salýǵa bolady.
Attraktsıonnyń iske qosylýy jáne ashylýy 2018 jyldyń mamyr aıynyń birinshi jartysyna josparlanyp otyr, qazirgi ýaqytta montajdaý jumystary júrip jatyr.
Aıta keteıik, elimizdegi eń úlken «Koleso obozrenııa» attraktsıony da elordada ornalasqan. Onyń bıiktigi 65 metr, salmaǵy 270 tonnaǵa jetedi. Ár kabınanyń syıymdylyǵy - alty adamǵa deıin, júk kótergishtigi - 600 kg.
