Astanalyq sanıtarlar qoldan daıyndalǵan taǵam satyp alǵanda saq bolýǵa shaqyrady
«Kraft ónimderin óndirýshiler óz ónimderin úırenshikti zaýyt ónimderinen ajyratý úshin, olardy neǵurlym sapaly etý úshin, ádette óndiris protsesinde retseptilerdi únemi ár túrli dárejede ózgertedi jáne jetildiredi, ıaǵnı túrli tájirıbe jasaıdy. Kóbinese mundaı ónimdi óndirýshiler tańbalaýda ónimniń quramy men óndirýshi týraly aqparatty kórsetpeıdi.
Sondaı-aq kraft ónimderinde, kóbinese sapasy men qaýipsizdigin rastaıtyn qujattar - sáıkestik týraly deklaratsııalar nemese sáıkestik sertıfıkattary bolmaıdy.
Kraft ónimderi qanshalyqty sapaly, taza bolǵanymen, ulttyq zańnamaǵa jáne Eýrazııalyq ekonomıkalyq odaqtyń talaptaryna saı sáıkestik qujattary joq ónimder halyqqa satý úshin aınalymǵa jiberilmeýi kerek», - deıdi sanıtarlyq-epıdemıologııalyq departamentiniń bólim basshysy Qarlyǵash Ábdisheva.
Onyń sózine qaraǵanda, kraft ónimderdi tańdaǵan kezde taýarlardyń qaýipsizdigin rastaıtyn qujattyń bolýyna kóz jetkizý, tańbalaýǵa (eger bar bolsa) nazar aýdarý kerek.
«Eýrazııalyq ekonomıkalyq nemese Keden odaǵynyń tehnıkalyq reglamentteriniń talaptaryna sáıkes zattańbada tańbalaý ónim týraly, óndirýshi týraly, dıetalyq qajettilikteri bar adamdar úshin keıbir aıryqsha belgileri nemese paıdalanýdaǵy shekteýler jáne taǵy basqa týraly tolyq aqparat bolýy kerek.
Departament tutynýshylardy, úıde nemese basqa belgisiz jerlerde jasalǵan ónimderdiń sapasy men qaýipsizdigine kepildik beretin sáıkestik qujaty joq, belgisiz quramy bar «sándi kraft» ónimin tańdaǵanda, abaı bolýǵa shaqyrady», - dep jazylǵan depatamenti taratqan málimette.
Buǵan deıin Almaty qalasy sanıtarlyq-epıdemıologııalyq baqylaý departamentijyl bastalǵaly shaharda 14 bala tamaqtan ýlanǵanyn málim etken edi.
