Astanalyq rejısser «Nano-Opera» halyqaralyq baıqaýynda jeńimpaz atandy
«Bul baıqaý jas opera rejısserlerine arnalǵan. Jas rejısserler úshin teatr álemine joldama desek te bolady. Halyqaralyq baıqaýdyń mańyzy zor, onyń ústine opera eń qymbat óner túri. Birneshe kezeńnen turatyn irikteý men týrdyń nátıjesinde sońynda 6 úmitker ǵana qaldyq. Jalpy 200-den astam adam qatysty. Olardyń kóbisi rejısser bolyp jumys istep júrgender, ıaǵnı salanyń qyr-syryn biledi», - dedi Erenbaq Toıkenov tilshilerge bergen suhbatynda.
Otandasymyz halyqaralyq baıqaý barysynda birneshe qoıylymnan úzindi kórsetken.
Onyń ishinde «Sıbırskıı tsırıýlnık», «Karmen» jáne hor.
«Biz joǵaryda atalǵan týyndylardan úzindi ǵana kórsettik. ıAǵnı 10 mınýttyń ishinde atalǵan týyndynyń mánin ashyp, ol kórermenniń kóńilinen shyǵýy tıis. Atalǵan baıqaýdyń taǵy bir ereksheligi ádilqazy músheleri opera salasynyń maıtalmandary. Olardan kóp dúnıeni úırenýge bolady. Jas rejısserler úshin taptyrmas múmkindik», - deıdi ol.
«Nano-Opera» halyqaralyq baıqaýynda birinshi oryndy máskeýlik rejısser, ekinshi oryndy qazaqstandyq rejısser jáne úshinshi júldeni Sankt-Peterbýrgten kelgen rejısser jeńip alǵan.
Sondaı-aq jerlesimiz Erenbaq Toıkenov negizgi júldeden bólek, medıa salasy boıynsha iri basylymdardyń 2 arnaıy syılyǵyna ıe bolǵan: «Operalyq rejıssýra ónerine degen jasampaz kózqarasy úshin» jáne kórermender kózaıymy syılyqtary.
