Astanalyq prolıtseıler ótken aptada 100 esirtki qylmysyn anyqtady - ІІM
ASTANA. 9 naýryz. QazAqparat - Ótken aptada elordalyq polıtsııa qyzmetkerleri 100 esirtki qylmysyn, onyń ishinde esirtki satýdyń 47 faktisin anyqtady.
Osy faktiler boıynsha 80 keli esirtki, onyń ishinde 9 keli geroın tárkilendi, dep habarlady vedomstvonyń baspasóz qyzmetinen.
Astana qalasynda polıtsııa qyzmetkerleri arnaıy operatsııanyń nátıjesinde 29 jastaǵy jergilikti turǵyndy óz úıinde ustady. Tintý kezinde onyń úıinen 17,5 keliden astam marıhýana tárkilendi.
Odan ári júrgizilgen is-sharalardyń barysynda garajdan taǵy da 42 kılogramǵa jýyq marıhýana tárkilendi. Alynǵan esirtkiniń jalpy salmaǵy 60-qa jýyq kelini qurady. Kúdikti qamaýǵa alyndy. Sonymen qatar asa iri mólsherde esirtki saqtaý faktisi boıynsha qylmystyq is qozǵalyp, tergeý amaldary júrgizilýde.
