Astanalyq polıtsııa qyzmetkerleri jezókshelikpen aınalysýǵa berilgen 16 páterdi anyqtady
ASTANA. QazAqparat - Ákimshilik ýchaskeni tekserý kezinde jezókshelikpen aınalysýǵa berilgen páter anyqtaldy. Atalmysh fakt boıynsha páter ıesine qatysty QR ÁQBtK 450 baby boıynsha ákimshilik jaýapkershilikke tartý jáne 150 AEK kóleminde aıyppul salynýmen ákimshilik materıal jınaldy.
Osylaısha aǵymdaǵy jyldyń 22-23 shildesi aralyǵynda vokzal mańy aýmaǵyn tekserý barysynda elordalyq polıtsııa qyzmetkerleri QR QK 309 baby (jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq) boıynsha sotqa deıingi tergeýlerdi biryńǵaı tirkeýine jeńgetaılyqtyń eki faktisin tirkedi. Astana qalasy ІІD Uıymdasqan qylmyspen kúres basqarmasyna 52 adam jetkizilip, tirkeý bazasy boıynsha tekserildi, dep habarlaıdy Astana qalalyq ІІD baspasóz qyzmetinen.
«Saryarqa» aýdandyq ІІB polıtsııa qyzmetkerleri qoǵamdyq oryndar men kóshelerde quqyq buzýshylyqtyń aldyn alý maqsatynda aýmaqtarda kún saıyn saýda oryndary, bazarlar men vokzaldarda jumystar júrgizedi. Jyl basynan beri QR ÁQBtK 449-baby (qoǵamdyq oryndarda tıisý) baby boıynsha ákimshilik quqyq buzýshylyqtyń 727 faktisi anyqtaldy. Solardyń ishinde QR ÁQBtK 449-baby 1 b. (qoǵamdyq oryndarda zattardy ózgeshe tásilmen satyp alý, satý, aıyrbastaý nemese ıemdený maqsatynda kásipkerlik sýbektisi bolyp tabylmaıtyn adam jasaǵan, sondaı-aq bal ashý, qaıyrshylyq, seksýaldyq sıpatta qyzmetter kórsetý ne ózge de qyzmetter kórsetýdi kúshtep tańý maqsatynda tıisý, ıaǵnı mazalap ótinish bildirý) boıynsha 704-fakti anyqtalyp, 7 mln. teńgege jýyq somada aıyppul salyndy. QR ÁQBtK 449-baby 2 b. (ákimshilik jaza qoldanylǵannan keıin bir jyl ishinde qaıtalap jasalǵan áreketter) boıynsha 20 fakt anyqtalyp, sonyń ishinen 13 qamaý jáne 150 myń teńge somasyna jýyq 7 aıyppul. Oǵan qosa, atalmysh baptyń 3 b. (sheteldik ne azamattyǵy joq adam jasaǵan áreketter) boıynsha bes táýlikke deıin ákimishilik qamaý qarastyrylǵan 3 fakt anyqtaldy.
Sonymen qatar, «Saryarqa» aýdandyq ІІB ýchaskelik ınspektorlary jyl basynan beri jezókshelikpen aınalysý úshin berilgen 16-dan astam páter anyqtaldy. Tekserý nátıjesinde quqyq buzýshylarǵa qatysty QR ÁQBtK 450 baby (jezókshelikpen aınalysýǵa ǵımarat berý) boıynsha ákimshilik óndiris qozǵaldy. Barlyq materıaldar sotta qaralyp, iri somada aıyppul salyndy.
