Astanalyq polıtsııa qyzmetkerleri velosıped urlady degen kúdikpen er adamdy ustady
ASTANA. QazAqparat - Astanalyq polıtsııa qyzmetkerleri velosıped urlyǵyn jasaǵan kúdiktini ustady. Bul týraly elordalyq ІІD baspasóz qyzmetinen habarlady.
Almaty aýdandyq ІІB-na velosıped urlyǵy boıynsha azamattardan birneshe aryz kelip tústi. Jedel-izdestirý sharalaryn barysynda 31 jastaǵy qala turǵyny ustaldy.
Buryn-sondy ol osyndaı qylmys jasaǵany úshin qylmystyq jazaǵa tartylǵan bolatyn. Urlyqty kóbinese kóp qabatty úılerdiń aýlasynan, dúken mańynan jasaǵan. Urlanǵan múlikti kezdeısoq adamdarǵa nemese bazarlarda satqan.
Solaısha, ol 16-dan astam velosıped urlaǵan bolyp shyqty. Qazirgi kezde QR QK-niń 188-baby («Urlyq») boıynsha sotqa deıingi tergeý júrip jatyr. Kúdikti ýaqytsha qamaý ızolıatoryna qamaýǵa alyndy.
Sonymen qatar, ustalǵannyń basqa da qylmystarǵa qatysy bar-joqtyǵy tekserilýde.
