Astanalyq polıtsııa qyzmetkeri kúdiktini quryqtaý kezinde aýyr jaraqat aldy
ASTANA. QazAqparat - Astanada polıtsııa qyzmetkeri esirtki taratýmen aınalysqan kúdiktini ustaý kezinde aýyr jaraqat aldy, dep habarlady elordanyń ІІD baspasóz qyzmetinen.
«Astanalyq polıtsııa qyzmetkeri esirtki zattaryn saqtaý jáne taratýmen aınalysqan kúdiktini qolǵa túsirgen kezde aýyr dene jaraqattaryn aldy», - delingen habarlamada.
Saryarqa aýdandyq ІІB-ǵa esirtkini saqtaýmen jáne taratýmen aınalysyp júrgen adam jaıynda jedel aqparat kelip tústi. Atalmysh azamat ustalǵan kezinde polıtsııa qyzmetkerlerine qarsylyq kórsetken. Ol avtokóligimen polıtseıdi qasaqana qaǵyp ketip, izin sýytpaq bolǵan.
Sońyna túsken polıtseıler 27 jastaǵy er adamdy ustady. Tintý barysynda kúdiktiniń ámııanynan esirtki salynǵan 6 polıetılen paket tabylǵan. Budan basqa, onyń úıinen de esirtki zattary tabyldy. Qazirgi ýaqytta kúdikti ýaqytsha ustaý oqshaýlaǵyshyna toǵytyldy. QR QK 321-baby (bılik ókiline qatysty kúsh qoldaný), 259-1-baby (esirtki zattaryn daıyndaý, satyp alý, saqtaý, tasymaldaý, jóneltý) boıynsha is qozǵaldy. Tergeý amaldary júrgizilýde.
