Astanalyq polıtsııa kólik tonamaq bolǵan qylmyskerdi quryqtady
ASTANA. QazAqparat - Astana qalalyq Іshki ister departamenti Jedel basqarý ortalyǵynyń beınebaqylaý kamerasy kómegimen elordalyq polıtsııa qyzmetkerleri "Gazel" avtokóligin tonamaq bolǵan azamatty quryqtady. Bul týraly qalalyq Іshki ister departamenti baspasóz qyzmetinen habarlandy.
«7 qazan kúni Astana qalalyq Іshki ister departamenti Jedel basqarý ortalyǵynyń operatory shamamen túngi saǵat 12 kezinde Baraev kóshesiniń aýlasynda turǵan "Gazel" avtokóligin ashpaq bolǵan kúdikti er adamdy baıqap qalǵan. Mekenjaı boıynsha jol-patrýldik polıtsııasynyń ekıpajy oqıǵa ornyna jetip, qylmys jasaǵan 32 jastaǵy er adamnyń ústinen túsken. Kúdikti dereý qamaýǵa alynyp, oǵan qatysty tergeý amaldary júrgizilýde», - delingen baspasóz baıanynda.
Toqtala ketetin jaıt, jyl basynan beınebaqylaý júıesi arqyly jedel basqarý ortalyǵynyń qyzmetkerleri 263 qylmystyń betin ashqan. Sonyń 35 myńnan astamy ákimshilik quqyq buzýshylyqqa qatysty bolyp otyr.
